بسم الله الرحمن الرحيم و به نستعين انا اول واحد هقول قصتي حتي اكسر الخجل عند الاعضاء
بدأت قصتي بأني شاب ولدت في السعوديه و نزلت مصر و انا عندي 3 سنين اتربيت فيها و بدأت
من اول 5 ابتدائي اشرب سجاير لغايه اول اعدادي و بعدين اصدقاء السوؤ خلوني اشرب مخدرات و قعدت فترة
اعمل اي حاجه علشان اجيب فلوس ان شالله اخسر صاحبي و بعدبن بدأت اشرب بيرة و خمرة و بعدين دخلت علي
البرشام فبدأت اخد فلوس الدروس و اشتري و بطلت البرشام بأرادتي و بقيت لسه مدمن حشيش و حاجات كده يعني المهم
بدأت امشي من البيت علشان اطلع اصطاد و اشرب سجاير و حاجات فأراد رب الكون ان يوقظني فحدثت مشكله كنت ساسجن فيها و يحكم علي ب 3 سنوات جعلتني استقيم و امنع كل حاجه و الحمد لله دلوقتي بذاكر و لسه ببدأ في الصلاه و ان شاء الله اقل من 97 في الميه مش هقبل و كل اللي عايز اقوله لو انت عارف انك غلط حاول تلجأ لربنا مرة واحده و اعلم ان ربنا مش بيخزل اي واحد
تائب خد نصيحه مني انا عايز تبعد عن السجاير او اي حاجه من دي ابعد عن صحابك خالص لمده معينه و لو مش اتغيرت
بنسبه 100 يبقي اعمل بعديها اللي انت عايزة ماشي لو تعرف تعاهد ربنا و تعاهد نفسك انك هتقلل
من السجاير شويه بشويه و بعدين تقطعها خالص ساعتها بس هتكون تقدر تتحكم في نفسك
انا قدامك اهوه بتدرب ملاكمه و كونغ فو شاولين و بذاكر و كل حاجه بس بعيد
عن صحابي خالص صاحبي هو والدي
موضوع: الي كل من مر بتجربه صعبه يدخل و يكتبها لتكون عظة 
الإثنين نوفمبر 09, 2009 6:09 pm
